武當秘傳動靜氣功– 江月群180131
【武當秘傳動靜氣功】令我面癱好了許多，面部不再不受控地跳或面歪，朋友都說我漂亮了、面色紅潤了! – 江月群，地產商人，180131 按此進入視頻 詳細文字分享 我叫江月群, 係喇, 做地產既, 今年65歲. 我兩年前黎既, 咁呀, 覺得個身體呢就唔舒服, 咁係嗰個面呢就, 叫做中醫既面癱啦, 咁當我學左之後呢, 我學了個多月呢, 身體好快就有變化喇。 個人可以靜啦, 心身識得放鬆呀。放鬆左之後呢, 有啲氣流係入面度走來走去咁樣, 夜晚即刻好訓啲既。之後呢, 嗰個面癱呢, (不自主地)跳得比較小喇, 無舊時咁面歪喇! 個面紅潤起黎呢! (之後更)好左好多呢, 面無跳到喇!.
道門八段錦– 江寶瓊180127
【道門八段錦】以前在地鐵上一層樓梯就要停低透氣兩分鐘才可以再行，現在可以不用再停繼續行上行落啦! – 江寶瓊，銷售，180127 按此進入視頻 詳細文字版 我叫做，嗯，湯江寶瓊。以前我就，黎果陣時呢，(一口氣)得幾度(秒)氣啫，而家就有十幾度(秒)氣!嗄，因為呢，練咗個氣功之後呢，就真係，個度氣(和筋骨)就長咗好多!上樓梯呢，响地鐵呢，(以前)個兩層樓梯呢，上一層呢已經要企係度勒，要抖(透氣)兩分鐘，之後再上埋個，個幾級樓梯。咁呢，而家呢，就可以一直上去，咁呢，上完去呢，都唔駛再企勒，就可以繼續行返落去，行落個條馬路個度一齊行勒!個陣(以前)時就好辛苦呃，唔知做mug野，咁囉。多謝師傅。
武當功夫，氣功– 林志豪180121
【武當功夫，氣功】通宵更少了易攰或眼瞓，體質和精氣強了!武當功夫很有趣，想不到我的年齡還能做到! – 林志豪，機場通宵更工作，180121 按此進入視頻建 詳細文字版 大家好，嗯，我叫阿豪(林志豪)，(機場通宵更工作)。 咁我跟師虛師傅學(武當)功夫同埋氣功呢，大概係兩年度啦咁我係機場就返通宵更嘅，咁嗯正正因為我係返通宵更，我想我個身體好D呢。 咁我就，開頭係去學武當嘅動靜秘傳氣功嘅，咁之後，學完之後覺得都OK喎，咁嗯，身體又好咗D。咁嗯，跟住就想繼續再學啦，咁學太極啦，咁去到而家呢，已經學咗4套拳同一套劍勒。咁就有(武當)太極十三勢啦，嗯，武當(三豐)太極劍啦，嗯，(武當)太乙五行拳啦，咁嗯，而家就學緊嗯(武當)玄武拳嘅。 咁嗯，學功夫細細個果陣其實就好有興趣，講咗30幾年架勒，咁嗯估唔到而家先至真係去學功夫，嗯，咁一直學落去呢!咁由太極去到而家學兩儀拳呢，咁我都覺得幾有趣味嘅，幾好玩嘅!咁嗯同埋嗯，我都估唔到原來有D動作自己都做到嘅，以前睇人地打就好似好好有型啦，咁但係估唔到原來其實自己都可以做得到嘅!咁嗯，黎緊我希望可以學多D氣功啦，咁嗯內外兼修，咁樣睇吓可以再做到好D咁樣啦。嗯，身體上其實就係感覺上都係好好多嘅，咁譬如其實我而家我放咗工，做咗8個幾9個鐘，再返黎再去學拳，其實我而家都唔覺得太攰嘅!咁其實比我未學之前呢，咁嗯身體係好D嘅。嗯，大嘅病痛就無嘅，不過以前就可能少運動呢，咁就覺得好易攰嘅，咁嗯而家學咗太極嗯，學咗氣功之後呢，就個人無咁易攰咁樣啦! 嗯，都有分別嘅，咁嗯，以前可能因為返通宵更啦，到某個時間呢，你就會覺得好眼瞓呀咁樣嘅，咁而家就少咗呢D情況出現啦，嗯，我唔知果D係咪叫做氣啦!但我有少少咁嘅感覺囉，可能嗯掌心果D會發熱呀，有D針拮嘅感覺咁樣啦。嗯，有陣時你嗯會覺得個身好熱嘅，咁嗯會出晒汗咁樣嘅，但係其實唔係好熱嘅外面個度，咁你譬如你自己去運功果陣呢，就會全身會慢慢會流汗，會覺得好熱呀，但跟住就會覺得好番，好好涼快咁樣，好得意嘅!嗯，我覺得阿師傅教得好詳細囉，每一招每一式，教埋我地點樣用呀咁樣，我覺得幾好嘅。
武當太極28式- 林子江180125
【武當太極28式】我發覺唔同嘅動功有唔同嘅感覺同享受囉! - 林子江，項目管理，180125 按此進入視頻 詳細文字版 嗯，我叫做林子江，咁我係一間電訊公司入邊做項目管理嘅。咁，武當太極28式。佢嘅架式係比十三勢困難，但係，我就發覺掌握就容易。同埋有D 難度唔唸過，即係以前係懷疑，有懷疑，但係而發覺我唸再學108式都應該都處理得到，係勒，哈哈，有信心!係勒，我發覺唔同嘅動功有唔同嘅感覺同享受囉，赫。難度動作我以為做唔到嘅，都，發覺原來都做到嘅!
武當靜坐及混元樁功– 林子江180125
【武當靜坐及混元樁功】原來靜坐能聚氣，關節會放鬆，身體暖起來滲汗，有跑步效果但不會傷關節，心身非常舒暢療愈!睡眠也好了! – 林子江，項目管理，180125 按此進入視頻 詳細文字版 嗯，我叫做林子江，咁我係一間電訊公司入邊做項目管理嘅。 武當靜坐及混元樁功。之前我無想像過，坐係度唔郁都會發熱嘅!靜坐呢樣嘢呢，原來呢開頭坐係好困難，行呀易坐難。我發覺係，赫，因為你靜心坐係度呢，原來係，當大家去嘗試果陣時，發覺原來唔係咁易嘅，愈坐得耐，係愈，學你話齋，呢個係功力問題。亦都會係愈來愈享受坐呢樣嘢嘅，因為坐，係令到個人放鬆，係我黎講係放鬆發熱，即係話唔駛好強嘅動作，我就可以好似跑完步嘅效果嘅!坐完之後，咁所以我就比較鍾意做呢個功法嘅，就係平時休息我就都幾想坐一坐嘅。其實跑步呢個運動其實係一個叫做放鬆或者係嗯舒洩舒洩嘅途徑黎嘅，但係呢佢對於一D肌肉呀關節就係好辛苦嘅，嗯，即係跑完個身係鬆但係呢可能關節會痛(我就是)，或者肌肉會酸痛! 嗯，就(跑步)嗯嗯出好多汗咁呀，但係靜坐我黎講就係關節都會鬆咗!另外就係會好似跑完步咁，個身興(熱)嘅。嗯，所以我就選擇咗停咗跑步，就開始做多D呢個靜坐，赫，咁嗯一有時間我就會做。咁，同埋我發覺就係做完靜坐之後，個睡眠係會更加好嘅!嗯嗯，咁，所以有時我瞓得唔好，有時真係瞓唔著呢，我就會選擇坐一陣。係啦，以前或者我會睇下書呀，或者無無聊聊咁呀等到天光，而家就會選擇坐一坐啦，嗯，咁，即係利用呢個功法解決呢個呢個問題啦! 赫，咁所以就，而靜坐靜坐及混元樁功有樣嘢呢，就係話會加強我用呼吸，即係呼吸嘅方法或者果個深度啦。咁，呢個對於我黎講就係話，因為我同時間學嗯(武當太極)十三勢呀，咁呢一個呼吸(運氣)嘅嘅感受我就將佢帶入咗十三勢到，咁就發覺呢，好快呢，當我一熟習咗果個套路之後，就係話，當將呢個運氣方法put(加)入去呢一個嗯，運氣方法put(加)即係加入去一個動作到呢套路到呢，就發覺完全係兩種，兩回事勒啦!當然，呢D就令我明白到，點解有D人睇落去耍極都唔似嘅呢，好似有D爭D嘢我發覺，就係爭咗呢D內功嘅修為勒!
道門八段錦– 林子江180125
【道門八段錦】髖關節痛好了，能單腳站立穿褲了!已年多沒有感冒了!簡單易練，加上內功心法，效果非常好! – 林子江，項目管理，180125 按此進入視頻 詳細文字版 嗯，我叫做林子江，咁我係一間電訊公司入邊做項目管理嘅。道門八段錦對我影響最大呢就係令到我著得翻褲勒，即係話解決咗我個髋關節企唔到，單腳企唔到嘅問題!練咗一段時間之後呢無再發生嘅，赫，到而家都無再再再發生過(站著穿不到褲)啦，我一路keep住練呢個太極帶俾我嘅得益啦，赫! 道門八段錦原來呢就係，係一個好細嘅空間，可以做到一個好好好有用嘅，幫助身體，幫助好大嘅功法咁啦。因為方圓一米就足夠你做晒成套嘅站式又好坐式又好，咁，而亦都好容易記，嗯嗯，招式都容易，不過就要掌握果個心法啦!咁呢個多謝師傅介紹，教導啦，利用呢個心法就可能D經絡呀血氣好咗，令到改善咗我個痛症啦，咁。睡眠呀頭痛呀呢D就更加改善咗嘅。 而另一個改善就係話呢，每年我都會傷風感冒一兩次嘅，咁而傷風感冒嘅程度呢，就係話一定要去到食退燒藥我亦先至會好得翻嘅。咁但係當我開始練呢D太極或者八段錦之後呢，嗯，我所記憶就係我已經一年多無食退燒藥勒。，對於係抵抗感冒果度我係改善了好多嘅，赫，咁就睇醫生嘅次數都會少咗嘅，赫，咁呢個就係我係道門八段錦嘅經歷啦，呢個就係，哈哈!
武當太極十三勢 – 林子江180125
【武當太極十三勢】我的關節痛、頭痛、睡眠差、高血壓等都市病，醫生食藥跑步游水行山等都幫不到我，但打太極後就好許多了! – 林子江，項目管理，180125 按此進入視頻 詳細文字版 嗯，我叫做林子江，咁我係一間電訊公司入邊做項目管理嘅。 咁因為工作性質嘅關係啦，個人就比較緊張。咁，我有血壓高啦，關節痛啦，咁，睡眠嘅質素唔好啦，頭痛啦咁呀呢D都市病啦。咁呀，一路都，其實我本身就有做跑步嘅，咁一個禮拜都跑幾日架喇，咁，同埋亦都會有去行山呀，游水我都有做嘅。但係呢幾樣野都幫助唔到我改善好多，咁，頭痛依然頭痛，血壓依然不穩定，咁呀，睡眠一樣係深層睡眠就唔足夠啦!咁，另外就係話個關節，希望用跑步黎改善呢樣野，(但)就引伸到就係關節嘅問題啦，膝頭哥同個髖關節都有D開始有D問題勒，。，嗯，到，直至到有一段時間就係話個關節痛呢就係話呢，著褲都著唔到，(要)坐係個度著褲嘅，呢個問題就困擾左好耐架勒。 咁，啱啱有個朋友介紹，講開就學太極，跟呀師虛師傅學太極，咁就亦都強烈咁推薦我去試一試。因為我食藥呀或者，其實我睇過醫生照過，都發現唔到mug野問題呀，即係find out唔到個個個根源係邊度，無治療嘅方法推薦俾我。咁就嗯朋友介紹我，不如你去試下啦，因為佢自己試過，效果都幾好，咁我開始就嘗試練習呢個，接觸呢個太極啦咁啦。 咁總括黎講，練咗太極之後呢，令我一個好大嘅改善咗D咁啦。譬如話頭痛，我已經開始練咗太極一段時間，就無再頭痛勒;咁睡眠呢就，失眠嘅次數就少好多;關節痛就無痛啦!自己著到褲啦! 赫，咁所以就，而靜坐靜坐及混元樁功有樣嘢呢，就係話會加強我用呼吸，即係呼吸嘅方法或者果個深度啦。咁，呢個對於我黎講就係話，因為我同時間學嗯(武當太極)十三勢呀，咁呢一個呼吸(運氣)嘅嘅感受我就將佢帶入咗十三勢到，咁就發覺呢，好快呢，當我一熟習咗果個套路之後，就係話，當將呢個運氣方法put(加)入去呢一個嗯，運氣方法put(加)即係加入去一個動作到呢套路到呢，就發覺完全係兩種，兩回事勒啦!當然，呢D就令我明白到，點解有D人睇落去耍極都唔似嘅呢，好似有D爭D嘢我發覺，就係爭咗呢D內功嘅修為勒! 我耍(太極)耍(太極)嘅時候好舒服嘅，耍完之後好舒暢嘅，因為呼吸深咗你個人會精神咗嘅!咁我發覺減慢係更加難耍嘅，但係呢原來呢就我出嘅汗係會愈多嘅，啱啱好似同我地日常嘅(其他運動)道理係相反 - 就係話動作急促先會出汗，原來唔係嘅，愈慢就愈多汗嘅!我感覺就係呢，愈慢愈好嘅，(越)舒暢，可能我地叫做嗯嗯太極feel啦，太極感覺啦!太極嘅柔和感覺，咁，所以我就最，好鍾意練呢一套十三勢嘅，帶俾我對於太極嘅感覺係最強烈嘅。當然啦，可能就係因為之前嘅嘅，學過嘅野一路嗯咁進階帶入去呢個呢個境界啦。咁呀，所以學完呢個之後呢，我就決定嗯學晒養生班嘅課程勒，就會，參加咗呢個就繼續學晒其他嘅課程勒，赫。
武當太極、氣功– 杜堅民180121
【武當太極、氣功】長時間教學和做研究，易累，試過連打乞嚏也令腰脊受傷，現身體和精神改善了!太極為一優雅和有文化內涵的養生運動!– 杜堅民，大學副教授，180121 按此進入視頻 詳細文字版 嗯，各位好，嗯，我叫做杜堅民，咁嗯，嗯， D學生都叫我做Chester嘅。我係嗯理工大學紡織製衣系裡邊呢，我係做一個教職員(副教授)嘅，咁呀都有20年有多架勒。 我對上有3至4年架勒，咁呢就係呢個師虛養生學院裡邊，學呢個武當太極，內功啦。援係(對)我地嘅身體裡邊或者D肌肉呀筋骨裡邊呢，原來有好大幫助嘅。 我同時間呢我亦學習呢一D，嗯，叫做兩儀拳呀，一D快慢嘅動功，係太乙五行拳， 後來呢就係(武當)玄武拳。咁嗯係太極裡面係優美嘅，好靚嘅，有快有慢，咁嗯好多師兄弟呀，嗯就都好鍾意嘅。 慢慢呢發覺身體係會有D改變嘅。身體果個伸展係比較靈活咗，延展性好D啦。長時間我都係對住電腦啦，或者係嗯嗯對住嗯上堂一班大嘅theatre (演講廳)裡邊嘅一班學生啦，咁樣慢慢慢慢呢，原來發覺嗯身體長時間係膊頭呀，或者係D小腿裡邊呢，長時間肌肉疲勞呀，咁而家呢慢慢可以舒緩番嘅，咁係會靈活咗嘅。 我都試過一段時間啦嗯腰骨啦、腰脊啦，嗯因為打乞嚏都會受傷嘅，要入醫院嘅，咁所以呢，呢D情況就可能係一個啟示黎嘅，咁嗯我都要著重番自己身體一D嘅基本鍛鍊勒，唔可以長時間咁樣坐住!嗯好似香港大部份嘅嗯嗯嗯即係我地D叫做返工嘅一D員工啦，咁嗯唔係對住個電腦呢就係對住個電話，咁呢就如果唔係呢，就一係就揸住好多D資料裡邊呢跑來跑去呀，咁嗯辦公室又好啦貨倉又好啦，或者係D車間裡邊呀咁樣，咁我地都會值得留意一下嘅，咁嗯又配合番一D氣功啦，訓練我地嘅心肺啦，心神呀，有種好似休息嘅感覺呀，咁嗯嗯，呢種係一種舒緩黎嘅，咁倒番轉頭工作裡邊呢，可能會更加暢順D，因為長時間做嘢無休息係唔得架嘛! 咁除咗肌肉之外，我地個腦都係一樣嘅，咁嗯嗯嗯氣功裡邊原來係嗯生活上邊係有用嘅，休息嘅感覺，效果會明顯D嘅，夜晚呢係會瞓番得好D嘅。太極功，唔係太極操係太極功，咁嗯我地嘅身體裡邊會識得調節呀，關節會靈活咗D啦。 D肌肉呀，腰脊啦，嗯，小腿呀、膊頭位呢D肌肉好繃緊，所以好容易攰，嗯嗯我自己都有成一定嘅年歲啦，咁嗯如果長時間坐係度唔郁嘅話呢，咁嗯身體肌肉呀或者果個疲倦，都會明顯嘅，咁但係因為練功係明顯上係減少咗嘅係即係呢幾年裡邊我地係太極啦，嗯，嘅訓練啦，咁嗯我，包括我D師兄都係嘅，我地嘅病痛裡邊呢明顯係少咗嘅，係真係少咗嘅! 我地有一個學期啦，咁有一班學生上，跟住考試，又第二個學期，跟住就暑假裡邊我地要寫報告呀、做研究啦咁樣，咁呢就嗯連病都有一個咁樣嘅循環重複。即係我地去到學期尾呢，咁嗯嗯我地好容易呢就要去診所架勒，咁嗯見晒成喳學生同時間係晒度，咁呢一D嗯嗯係可能，係大家果社群裡邊大家互相影響啦，咁有D病菌都互相傳來傳去!咁嗯但係我亦都聯想到嗯，可能就係我地一個咁樣嘅學習周期啦，係大學入邊呢嘅工作環境，有時間呢就會工作上面好緊逼，咁其實呢病同埋攰呢，都會好似一個偱環咁，係番個時間裡邊重複出現番嘅!咁嗯而家就嗯因為太極運動啦，呢D情況就唔明顯，係少咗勒!係真係少咗好多勒，唔會話呀學期尾呢，考試，咁對住D成疊學生果D試卷呢，果D病菌就傳來傳去，咁又一定跟住佢地病呀勒咁樣，咁而家就少咗好多勒，係勒係勒，咁呢個係嗯嗯一個得著黎嘅，係勒. 以前呢我嗯嗯即係讀書期間啦，一段較長嘅時間呢，長時間呢做一D羽毛球嘅一D運動，咁嗯一D一D急跳啦、一D嗯救球呀、扣殺呀呢D咁樣，咁覺得就嗯都係一個好好好好嘅運動黎嘅。咁但係慢慢慢慢呢，可能係因為嗯年齡嘅不斷咁增長啦咁樣，咁果種運動就嗯感覺上係吃力勒，咁同時呢開始容易有受傷，包括我地果D嗯嗯膝頭啦，嗯膝蓋裡邊呢果D半月瓣啦，咁我都試過撕裂。太極呢，好急促嘅動量裡邊就較為少D嘅，咁所以呢，就嗯果個果個理念係唔同嘅唔同嘅。嗯運動呢係嗯嗯年青嘅運動好似羽毛球啦，或者係我地做一D 一D wind surfer (風帆)咁個類啦，咁係好短促嘅時間裡邊需要身體一D爆發。咁太極就唔係講呢一樣嘢，嗯，果個身體果個體力嘅虛耗呢，咁嗯嗯唔唔會嘅，即係可能因為係太極本身係一種養生為主嘅，唔會對身體有沖擊，咁嗯嗯但係一般嘅運動裡邊呢通常都好難免嘅!如果要做得好呢仲可能要做一D我地叫做overloading (負荷過度)，咁嗯嗯長遠呢可能對於身體都有少嘅，或多或少嘅傷害嘅。 咁所以嗯，其實嗯我自己個人啦嘅意見就係，太極呢其實由年青開始去訓練，到到年紀年長，甚至乎我地而家一D年紀較大嘅人呢，嗯一D嗯年老嘅長者呢，都係適合嘅!因為我地身體需要一定嘅運動啦，靈活我地嘅身體嘅。咁嗯我認識嘅有好多老人家，真係好老架勒，有七、八十歲架，佢地長時間呢都係太極裡邊有訓練嘅，佢地呢跌底果個情況呢或者一個唔覺意呢，嗯即係要俾人絆底啊呢D機會呢，係好少嘅!但係無練果D呢，就好容易有呢個問題，咁嗯老人家年長嘅人，跌底係一個好嚴重好危險嘅一個意外黎嘅，咁類似呢D運動可能對我地身體嘅平衡啦，嗯我地嘅一D走動嘅一D安全嘅意識都會高咗嘅，咁呢個就係嗯我我嘅觀察啦，係勒。 太極係嗯嗯精神上邊呢，嘅訓練呢，就我感覺上係明顯D嘅。因為嗯嗯太極成日強調個精氣神嘅訓練啦，咁呀同一般傳統嘅一D我地嘅運動呀，咁呢就比較少著重講呢一樣嘅。太極嘅訓練呢，除咗話我地有一D活動呀，身體之外呢，係個精神狀態裡邊呢都好著重嘅，咁嗯呢兩幾年我都有少少感覺啦，尤其是係氣功嘅訓練裡面添。咁嗯係都唔錯架，係呀，咁呀係個提氣裡邊啦、呼吸啦，咁我地著重個深、長、細呀呢D咁樣嘅一D訓練啦，咁個人呢，果個呼吸狀態會好咗架，係好咗架。咁呢樣可能會對我地身體裡邊呢一D調節黎架，因為城市人多數嘅問題呢都係做嘢好急促，咁我唸身體裡邊嘅精神，嗯，同我地一般嘅身體嘅嗯果個運作運動都係一樣嘅，佢要有適當嘅D休息，嗯，回復返個狀態，咁就可以繼續啦。咁如果我地嗯長時間嗯個腦，嗯，個思考上邊唔俾佢休息呀，嗯，或者唔做一D嗯好舒緩嘅訓練呢就唔得嘅，唔得嘅，咁嗯，係一種虛耗呢嘅，係勒。 係文化內涵裡邊呢，嗯，太極有一定嘅歷史勒，咁嗯由三豐祖師裡邊啦開始發展出黎啦，咁而家係全界唔同嘅地方裡邊呢，太極亦都文化上邊(影響)都好深遠嘅，嗯咁亦都得到好多地方嘅認同。本身佢係一種嗯一種身體嘅、精神、健康嘅主張。係好多國家裡邊我地都見得到勒，好多人呢會參與，咁嗯呢種係一種好嘅觀念黎嘅，透過呢D咁嘅運動太極已經係一種文化黎架，咁變成咗一種全球性呢一D共融嘅一D大家嘅喜好，咁嗯嗯呢個係值得嗯鼓勵。呢幾年我見到好多地方，嗯，真係全世界都有勒，我見到加拿大有啦，係台灣啦，嗯嗯，唔，當然唔在講我地中國內地啦，我地自己香港啦，咁嗯，係歐洲啦，係英國啦，我都見到係成日舉辦一D太極嘅一D嗯一D運動啦、一D比賽啦咁樣，咁嗯參與嘅人呢真係好廣泛嘅，咁佢本身亦都有一D歷史，亦都有一D理論係入邊，咁呢就所以嗯係可以，係可以發展嘅，有一D文化嘅一D哲理係入邊嘅，咁嗯對於尤其是我地養生啦，嗯，對於我地身體啦，咁會有一定嘅，嗯，可以話叫做邏輯嘅，即係等於佢覺得我地身體本身係自然嘅一個部份，嗯，我地要識得佢，同我地大自然裡邊融埋一齊，咁嗯嗯嗯果種調和嘅觀念好重。 咁所以嗯太極佢仲有好多嘅，咁我就唔係認識好深勒，但係佢嘅一D基本嘅理論啦，(像)筋絡啦，博擊。咁嗯嗯係養生方面就更加明顯勒，發展得更加清楚D，咁嗯所以我地見到好多嘅一D年長嘅老人家裡邊呢，係呢一方面嘅鑽研裡邊呢，多數你會見到佢地嘅身體嗯或者佢地嘅精神狀態都比一般人好嘅!嗯，同時係有種祥和嘅感覺添，咁可能係本身嗯道家嘅一D觀念啦。即係嗯同我地嘅自然裡邊啦，嗯，渾然一體啦，咁嗯可以從我地大自然裡邊，動物裡邊啦，嘅一D嗯嗯養生嘅觀念啦。咁呢要深入呢就真係一定要練習勒，哈哈!
道家健康復修辟穀法– 李偉賢181111
【道家健康復修辟穀法】我多年去不掉的脂肪肝及高血壓竟被短短的辟穀消失了，好驚喜!還減了15.4磅重! – 李偉賢，會計師，181111 視頻在建 詳細文字版 我是Wilson 。在今年九月尾中秋節前後幾天假期參加了 學院舉辦的「道家健康復修辟穀5天大澳營」。本來聽見幾天唔食東西感覺上都幾嚇人，因為平時食飯食遲少少都覺得好肚餓、手腳冇力。但聽過其他師兄的分享辟谷的效果後，及太太鼓勵之下都即本嘗試一下，心想唔食幾日東西起碼可以減肥，大不了萬一身體支持不住可以中途放棄，於是決定報名參加。 其實辟谷前心裏都有一些期望： 第一）減肥 第二）改善三高問題，特別是高血壓問題 我早幾年有血壓高的問題，醫生吩咐要食藥，當時我都乖乖地食藥，但好快就發覺食藥之後身體有一些不良反應，有些副作用。所以我一直都想停止食藥，後來食藥一段時間後血壓開始降下來，就嘗試請求醫生減藥甚至乎停藥。醫生同意之後就嘗試不食藥，但是要定期覆診及自己監控著血壓的變化，其實在這個過程裏心理上都有好大壓力，因為又唔想血壓高，但又唔想食藥。怕血壓一升高，醫生又再要求食返藥，所以每次去複診時心情得緊張。平時血壓上壓會在13x至14x之間，下壓就在8x至9x之間。緊張時會高一點，屬於比較波動及偏高。 辟谷入camp第一天下午量度血壓，當時是138/90。到第五天出camp時下午是127/86。到再過了兩個星期回谷之後，早上血壓是122/72。再在一個月後的下午，血壓是123/71。所以總結就是效果十分理想，希望可以繼續保持下去。 此外，最驚喜的就是過去多年的脂肪肝，醫生說沒有了。之前說過要定期複診，大約9個月去一次，每次醫生都幫我做例行檢查掃描檢查，過往都說我有脂肪肝，雖然如此但我都不知道怎樣可以使它消失，但今次複診竟然醫生說沒有了。最後，我整體的體重在辟谷開始到回谷期結束時，大約減了7kg。 以上就是我今次參加辟谷的最大收穫。 多謝師父教導！
武當太極十三勢– 張麗燕180124
【武當太極十三勢】以前在別處學太極，只流於外型。但這兒教得好仔細，招式、應用、運氣、拳理，是真正的內外兼修，我得著好多! – 張麗燕，行政管理，180124 按此進入視頻 詳細文字版 你好呀, 我叫張麗燕, 嗯, 我係係行政管理工作做左廿幾年架喇。 武當太極十三勢, 咁呢個係一個入門既必修既項目黎啦。 咁你聽到十三勢啦, 其實有十三組基本既動作黎既。 咁, 嗯, 同以前學既太極有咩唔同呢? 我以前學既太極呢, 就(只)係型於外既。 咁而呢一個太極既招式呢, 十三勢呢, 咁裡面學既每一個招式呢, 師傅教得好詳細, 無論佢既功法呀, 佢既應用呀, 或者真正去, 係現實生活, 萬一真係有對拆(應用)既時候呢, 師傳都講得好詳細, 呢一個既, 每一招式既應用係點樣! 甚至乎到最後我既進階呢, 學埋個呼吸呢,按照吐納去演譯呢個十三勢呢, 其實係一個, 對自己身體既一個運作啦, 係幾好既. 因為佢唔會, 因為去演譯係走勻晒全身既一啲。 無論血氣呀, 你個呼吸呢, 令到全身呀啲手趾呀腳趾呢, 都係運動緊! 咁所以我覺得, 呢一個入門功法係必須要學既.好流暢, 要自己係溶入左去呢個十三勢裡面呢, 你先會可以運用度裡面學到既野呢。咁我覺得得著好多.
