武當三豐太極劍– 文諾180121
武當三豐太極劍: 因為劍是兵器，練劍術可以更能活動身手和腦筋! – 文諾，大學生，180121 按此進入視頻 詳細文字版 大家好，我叫文諾，大家可以叫我阿PAUL，我係一個大學生啦。 三豐太極劍啦。劍術，嗯，學兵器都係一種好特別嘅，因為唔同拳，劍術兵器係一種更加精心啦，比如我地發個勁係都要有嗰個意識究竟邊個位發啦，拳術好簡單，我地就咁發埋去，知道係依個位，好簡單。但其實劍術我地要好清楚，自己好清晰，咁變相，係啦，都活動左我地嘅腦筋。
武當太極十三勢– 文諾180121
【武當太極十三勢】筋骨鬆晒，配合運氣非常好，老少咸宜! – 文諾，大學生，180121 按此進入視頻 詳細文字版 大家好，我叫文諾，大家可以叫我阿PAUL，我係一個大學生啦。 武當太極十三勢呢一套拳係一個好好嘅基礎。我以前係一個唔做運動嘅人，我一入到黎就學呢一套嘅太極，咁比左個好好嘅基礎鬆晒我即係啲筋骨呀，讓我打左個基礎可以第二日去打一啲功夫呀，兩儀嘅一啲功法呀。咁呢個功法好在佢配合呢個氣，同埋呢個動作，嗯，耍出黎係一種，係啦，我覺得係老少咸宜嘅一種功法，係好好嘅。
道門八段錦- 麥慶權180127
【道門八段錦】有別於坊間其他八段錦，非只練肢體動作，而是結合吐納經絡導引，調整臟腑，簡單易學，效果特別好! - 麥慶權，資訊科技總監，180127 按此進入視頻 詳細文字版 好，嗯，我叫阿Ken (麥慶權)啦(資訊科技總監)。道門八段錦嘅課程，咁，啱啱我就完成咗果個站式啫。嗯，我係學果個課程裡面嘅過程黎講呢，我就發覺道門八段錦同其他(坊間的)八段錦呢，有D唔同嘅地方。因為佢唔係單單咁樣，單純動作嘅招式，而係呢，佢係將一D強身健體嘅動作招式結合埋道門嘅吐納呀導引呀，做出黎一套好完整好完善嘅功法黎嘅。咁，所以呢，我會覺得呢佢嘅功效特別係顯著囉，係可以呢，疏通果D咁嘅經絡啦氣血啦，同埋調整果個嘅臟腑果個功能，而達到養生果個效果嘅。 嗯，同埋呢個功法都好簡單易學啦，仲有口訣去幫我地記果D動作嘅招式，所以，同埋呢，每一個動作嘅招式其實同內臟都有息息相關，所以係好容易去理解嘅。咁，同埋我之前我跟咗師傅學過氣功啦，所以呢，我係吐納導引方面呢，我係比較純熟D嘅，咁，所以，我感到我係學呢個道門八段錦果陣時，係可以感覺到將果D氣係通過，通得到果個經絡啦氣血啦，亦都可以改善到我果個筋骨果個嘅柔韌度嘅，嗄。
我親身體驗到師傅的教學和課程非常仔細、嚴謹、專業，解釋原理作用，理論實踐，循序漸進，學員容易上手，非常值得上!-麥慶權
我親身體驗到師傅的教學和課程非常仔細、嚴謹、專業，解釋原理作用，理論實踐，循序漸進，學員容易上手，非常值得上!(按此進入視頻)- 麥慶權,資訊科技總監,180127 好，嗯，我叫阿Ken (麥慶權)啦(資訊科技總監)。 我亦都好想提一提，就係話呢，係師傅黎講，係果個教學方面呢，我覺得真係，好非常嘅仔細、嚴謹，同埋好專業嘅。每一個課程，就算even係每一堂，其實佢都係好循序漸進咁樣，一步一步咁樣解釋每一個功法，每一個招式，佢嘅原理係mug野，佢嘅用處係mug野。嗄，咁，亦都將果個理論同埋實踐呢係放埋一齊，務求呢所有嘅學員呢，都可以係好快咁樣明白同埋吸收到，咁呢個，我覺得，呢個，嗯，氣功，師傅嘅氣功課程係好值得上嘅。
武當秘傳動靜氣功- 麥慶權180127
【武當秘傳動靜氣功】膽固醇和肝酵素變回正常，不怕冷，很少感冒或病痛了，精神飽滿，工作時特別醒神如充電! – 麥慶權，資訊科技總監，180127 按此進入視頻 詳細文字版 好，嗯，我叫阿Ken (麥慶權)啦(資訊科技總監)。我想分享一下呢，咁我點解我會學氣功先啦。我發覺呢，我身邊好多嘅朋友又好，親友或者同事呢，其實佢地好年輕呢都已經開始得咗D重病。咁，當然啦，除咗話果個疾病嘅煎熬之外，最唔好處就係話，佢地唔可以安享晚年。咁，所以呢，我覺得呢，呢個，呢樣野就喚醒咗我，嗯，我係咪應該要早D去睇下有無D 乜野養生嘅方法呢，咁，所以呢，我係網站裡邊都睇個唔同嘅氣功呀，咁樣。咁，就咁好彩瀏覽到阿，我地嘅師虛師傅嘅網站啦，裡面就發覺師虛師傅，呀，真係識好多，不論係外內嘅氣功佢都可以，都兼顧到，亦都識咗，同埋佢嘅課程亦都好完善咁樣，咁，所以呢我就係一年前到啦，就開始呢就跟阿師虛師傅呢就學氣功嘅。 我想分享下，我都有深厚嘅體驗。就係武當動靜秘傳氣功啦，係呢個課程裡邊呢，我最大嘅得著呢就係話，首先就係認識到14條主經絡嘅特性啦，佢地嘅路線啦，同埋佢同唔同嘅疾病嘅相互嘅關係。咁其次呢講呢，當然，就係學咗一套好上乘嘅氣功啦，佢點樣去疏通果D嘅經絡啦，同埋按摩穴道。中醫都有講啦，通則不痛，痛則不通，所以呢，呢個係絶對係好重要嘅。 咁，最後呢我亦都學識咗點樣去聚精聚氣啦，係用一D唔同嘅方法，用一D吐納嘅呼吸啦，或者係丹田嘅周天運轉啦。呢D鍛練呢其實係幫助我係後期呢，學更高層次嘅氣功果陣時呢，個幫助係真係好大嘅。咁，整個課程學咗之後嘅話呢，其實我嘅氣感都已經出咗嘅，咁，我已經係可以領氣啦，咁將D氣去導引到成身體嘅經絡。咁，除咗對身體方面黎講呢，我都會覺得有D變化，係乜野呢，就係我以前係比較上容易D傷風感冒呀，或者D病痛啊，咁練完之後嘅話呢，我都會發覺自己係少咗好多病痛啦，同埋，練功個陣時呢都果個血氣係好暢通啦，同埋精神飽滿嘅，工作方面黎講其實比以前更加係，係可以放多唔同嘅精力落去嘅。 係氣感嘅出現黎講，其實我學咗，上咗第一個課程嘅大概係兩個月度啦，咁我開始就感覺咗，身體好似有D氣感出現咗啦。咁個種氣感呢，最初黎講就係係呢個手掌裡邊，好容易就發覺，果個氣，係個手掌裡邊有D，嗯，有D脹呀、有少少嘅麻呀，同埋有少少嘅發熱咁樣嘅。咁，到度後期嘅話呢，都已經發覺除咗個手掌之外，果個身體裡面呢，都有輕微嘅氣感嘅出現勒。咁，因為個套好上乘嘅功法裡邊，亦都會可以係將果個氣呢導引身體嘅唔同經絡，所以我都根據師傅教導嘅方法啦去導引，都開始發覺呢，真係可以做到喎。咁，又練咗，開始去導引咗，識得點樣去導引之後嘅話呢，就發覺果個身體果個經絡呢，練功果陣時呢，係，特別係，嗯，血氣暢通啦，同埋果個練完功之後呢，個精神係飽滿咗好多嘅! 咁你話，至於話身體健康嘅變化呢，咁我唸最大嘅變化呢，就係話呢身體係強壯咗好多。因為，嗯，練，上咗呢個課之後嘅話，開始，嗯，以前我好多時候都會因為，成日都會開OT呀，身體啊，精神緊張呀，所以好多時候我係好容易會係發燒呀感冒呀。嗯，呢D我係好容易會出現嘅，但係開始練咗之後嘅話呢，其實都發覺呢方面，到而家勒，都未試過有發燒感冒嘅徵狀出現過。咁，身體呢講，我完全，可以話係唔係點樣怕凍嘅，因為練氣功果陣時，身體好自然咁樣發熱，發完熱之後嘅話，咁，身體係特別舒服嘅，好舒暢，所以，我就覺得個身體果個精神，無論健康呀或者精神狀況呀，係好咗好多嘅。 之前我會有少少嘅膽固醇高啦，咁，練咗氣功大概4個月度啦，我個膽固醇個高度已經係下降咗好多好多，已經係一個好安全嘅範圍裡邊架啦!應該，咁，呢個亦都係我好大嘅得著。 肝酵素係高嘅果個數字。咁，但係，而家如果我再驗身，醫生話無喎，好正常喎，個肝酵素指數。所以，呢個亦都係我發覺，練咗氣功之後，點解我成日覺得身體好，咁，呢個係其中一個原因咁解。 係活力方面黎講，我發覺就係，尤其是係我返工果陣時呢，唔會，即係練咗氣功之後個話呢，個精神，嗯，返工黎講係好有魄力，可以話。就算係，嗯，再做好長嘅時間嘅話呢，我都會覺得我係好精神嘅，好飽滿嘅。有陣時，我係食lunch個陣時間，我都會試下，運一運氣功，咁，做(運)下周天呀咁樣，練完之後，我覺得我下半晝嘅話，嘅工作呢，我係特別嘅精神嘅，同埋好快咁樣完成咗一D嘅工作嘅。
武當靜坐及混元樁功 – 麥慶權180127
【武當靜坐及混元樁功】我用了2個月打通任督二脈，還學懂採天地之氣、用身體呼吸，身體復修特別好!工作時更冷靜長智慧!一次受傷的親身體驗。 - 麥慶權，資訊科技總監，180127 按此進入視頻 詳細文字版 好，嗯，我叫阿Ken (麥慶權)啦(資訊科技總監)。武當靜坐同埋混元樁功我覺得呢個課程嘅內容，係非常嘅豐富嘅!係呢個課程裡面呢，咁，我學咗幾個唔同嘅功法啦。係第一個階段黎講呢，咁，我就學咗果個築基嘅靜坐啦。咁，我學到點樣去入靜入定，到到最後黎講，我都已經講可以係達到無憂無慮同埋忘我嘅境界，咁，即係天人合一啦。果個感覺就會係，嗯，自己去到一個境界，就係話，你唔會覺得自己果個嘅身體嘅存在，就係好安詳好舒適嘅，咁，嗯，亦都可以話係心息相依啦，係好舒服嘅。咁呢個時候，入到呢個境界之後，無幾耐嘅話，身就會開始咁樣發熱呀，係好舒暢嘅。 咁，去到第二階段呢，咁我就學咗果個內丹嘅小周天功啦。咁，係當其時呢，我已經可以學識咗呢，點樣去運行果個經絡(意念小)周天啦，同埋血氣周天嘅。我已經打通咗個任督二脈嘅，我用咗差唔多係兩個月度啦，就可以打通果個嘅任督二脈勒!因為我可以直接行得到果個血氣周天，幫助呢講，我會覺得係，對於果個身體果個機能啦，可以話，係個肝臟係會更加嘅大，因為，好多時我都會練功啦，練完功之後嘅話呢，我會發覺果個嘅身體，嘅你可以話係recover (復修)，果個速度係快好多嘅。練功之前好攰呀，嗯，好想瞓呀咁樣，但係，當我練完功之後嘅話呢，我會發覺，嗯，成身，一來熱(暖)啦，二來嘅話就會，嗯，精神，就好有精神嘅，咁樣，就可以再繼續去做我想做嘅野。 咁，去到，咁第三個階段呢，咁就，我就學咗一個混元樁功啦，同埋，果個點樣去採補勒，係勒，咁，佢就係，其實就係去採天地之氣，補全身之氣嘅。咁，我會覺得呢個功法真係好好嘅，因為呢，嗯，可以，我地可以呢係係外面，即係天地嘅靈氣啦，將佢採入去，擺係俾自己去用，會令到自己呢，更加可以呢，可以個氣感會更加嘅強D嘅。 咁，再加上呢，咁，後期師傅呢仲教埋我地果個身體個呼吸方法啦，咁，最嬲尾我都學識咗嘅。我係而家黎講呢，咁，我已經係可以全身去呼吸啦!咁，果個感覺會係呢，係果D氣呢可以透過我嘅皮膚進入我嘅體內，然後呢，經過毛孔咁就呼出黎。咁，到度後期嘅話，師傅教埋我地點樣將身體嘅呼吸、小周天，同埋採補，全部夾埋一齊去運行，咁我會覺得，個效果更加會係很特別，咁，同埋更加會係，練完功之後，會覺得更加會係，好舒暢啦，精神飽滿啦可以話係。 係勒，咁，我會覺得係，嗯，呢個課程呢，學完之後嘅話呢，尤其是係靜坐呢一part 呢，尤其係可以幫助我好多，就係呢，發覺自己處事呢，係比較上會更加嘅冷靜啦，同埋人都變得詳和。咁，同埋自己嘅，係工作上面，係思考解難果個問題嘅能力，我都覺得係有所提高嘅。
武當太極拳28式 – 杜堅民180127
【武當太極拳28式】招式精要，容易記和練，練拳時間可以短些，但容易鍛煉到身體，我故此經常打! – 杜堅民，理工大學副教授, 180127 按此進入視頻 詳細文字版 嗯，各位好，嗯，我叫做杜堅民，Chester，我係嗯理工大學紡織製衣系裡邊呢，我係做一個教職員嘅，咁呀都有20年有多架勒……咁嗯其實28式就係武當太極裡邊嘅108式嘅簡易出黎嘅，係我地嘅師叔祖，嗯嗯鍾雲龍道長所創嘅。咁而家都好嗯受歡迎嘅，因為佢從108式裡邊呢，抽取咗D較為重要，同埋呢係我地身體裡邊訓練一D基本嘅需要呢，做一個簡錄，咁嗯時間會(可以)短促咗，咁但係呢，就係精要咗嘅，咁到到而家我地都經常打嘅，咁嗯發覺呢個功法呢，係容易記容易練，同埋呢容易鍛鍊我地嘅身體嘅。
武當36腿及基本拳 – 文諾180121
【武當36腿及基本拳】可以強身健體，令我強壯了許多，打起來和做事情更有勁! – 文諾，大學生，180121 按此進入視頻 詳細文字版 大家好，我叫文諾，大家可以叫我阿PAUL，我係一個大學生啦。 武當(36腿法及)基本拳係一種武術類嘅一種功夫啦，可以令到我地強身健體啦，因為太極係一種比較柔性啦，咁去到功夫，基本拳呢，就係一種剛性的一種武術啦。咁係呢種武術裡面，令到我都強壯左好多!即係打起上黎都有更加多嘅勁力!
武當36腿法及基本拳–學員體驗及/或演練
武當36腿法及基本拳–學員體驗及/或演練 2. “柔韌度、踢腿和靈活度提高了好多，我只學習了一年就好像回到20多歲呢!” – Tammy Wong,銀行業,180127 1. “可以強身健體，令我強壯了許多，打起來和做事情更有勁!” – 文諾,大學生,180121
武當太乙五行拳- 文諾180121
武當太乙五行拳: 剛柔兼備的兩儀拳，是一套很好的拳法，是武當的代表拳法! – 文諾，大學生，180121 按此進入視頻 詳細文字版 大家好，我叫文諾，大家可以叫我阿PAUL，我係一個大學生啦。 太乙五行拳係一種兩儀嘅拳術啦，咁佢有一種柔性嘅打法，亦有一種剛性近武術嘅打法啦，依一種拳術好在就係佢剛柔兼備啦。慢嘅時候，我地就要柔，發勁嘅時候我地就要出力。就係咁樣，所以就係一種好好嘅拳法，即係建議各位同學或者未學嘅，第日可以朝著呢個目標學呢一套我地武當一種好signature (代表性)嘅一種拳法.
