武當太極，內外功– 麥國英180121
【武當太極，內外功】身體真氣如氣墊，一次被人猛撞下保護了我! 原來太極融合內功，我的身體竟自然地將對方彈開，對方還喊痛呢! – 麥國英，會計，180121 按此進入視頻 詳細文字版 係，大家好，我，我叫麥國英，我嘅職業係會計黎嘅. 我係師虛太極養生學院裡面學，無論學左動功同靜功裡面呢，都都都學左一段時間。發覺呢，原來呢，太極發覺如果混合左內功(在)裡面呢，就無論內外都做到運動。如果我係健身院果度，跑左一大輪步呀，同埋做左好多其他既野既時候都係出左小小汗。但係呢，原來呢，耍太極既時候，加埋內功混合埋一齊既時候，就好似等於手手腳腳同埋心靈(精神)同埋呼吸都係做左，心呀，內，所有既野都做左運動一樣!所以，好似，太極原來係好全面! 同埋令到身手都敏捷左，反應靈活左。我記得有一次我就去商場果度行街之嘛，好簡單，行行下街，突然之間有個女人呢，可能佢真係好衝忙咁樣，咁就衝埋黎，我都未及反應呀。突然之間佢撞埋黎既時候呢，比我彈開左，，佢喊左一聲呀。我都覺得仲咩鬼呀，你喊咩啫，我都唔痛，原來佢好痛!咁我覺得呢，原來將太極同嗰個內功，合埋一齊晒時候，令到我個身好似有個咕臣(氣墊)一樣，保護左我!我當然唔係話同人地有咩搏擊呀，或者打鬥，但原來太極混合左內功同埋外功一樣呢，係有一個咁大既潛質，一個保護既作用既，好像咕臣(氣墊)保護既作用咁樣!好似太極裡面曾經講過，我記得，嗯，我地既(組)師爺張三豐講過:太極就好似四両撥千斤一樣呀，打埋黎既時候，就用小小既力，卸力卸左出黎，而我當時既反應就係，好似無反應一樣，佢就好似好痛苦一樣!
武當太極十三勢– 陸國聲180127
【武當太極十三勢】對四肢身軀和左右腦都協調非常好。太極其實挺好玩，同囡囡一起學，重拾親子樂更有趣，互相學習，感情又增進了! – 陸國聲，電訊業，180127 按此進入視頻 >>> 詳細文字版 大家好，咁，我個名叫做Edward (陸國聲)啦，咁，我就係從事呢個電訊工作既。 咁，日間都比較緊張啦。咁，講起太極呢，我自己其實十幾歲已經學太極既啦，但係呢當時候就無mug體會既。到後期呢就係年長咗啦，想搵一D既運動呢，能夠自己能夠可以係果個年紀大咗之後都仲可以做既。我想搵一D師傅係比較專業D啦。，知道呀師虛師傅，咁，我好被佢果個，嗯，對於武術果個既熱誠呀所感染既，咁，所以，我都相信佢係能夠係放棄自己既事業呢，然之後再去追求武術果個既境界呢，咁，我相信呢呀師虛師傅應該係好勁既。所以呢就朋友介紹之下入咗黎呢個。呢個場(師虛太極養生學院)呢我覺得個氣場都好強。(武當)秘傳動靜功我學咗既體會都非常之大既，學咗兩個月之後呢，已經效果係好明顯既。就係我發覺瞓覺質素，係好明顯係好咗既。咁，當然，年紀長咗呢，梗係會，嗯，夜晚係會多D去廁所啦，咁，基本上呢而家我係唔需要既已經。 學太極係我自己既夢想氣功之後再學太極十三勢。而家學緊啦，嗯，我覺得就係，嗯，好玩，令到自己個腦係(靈)活咗呀，四肢加埋個身軀呢，係不同方向咁郁呢，係令到個人果個腦果個左右腦呢都可以協調得非常之好呀。所以我好鍾意呢個太極呢個既，果個運作，咁，當然啦，就暫時個功力暫時都係，學緊，所以就，嗯，暫時既體會係咁多。 學咗呢個氣功(功法)呢，因為佢裡邊呢有一D既，恩，準備工作呢，咁原來呢，嗯，可以令到個人呢，可以係筋骨方面有進步。因為呢，我初初學呢個混元樁功個陣時，係坐功呃嘛，坐功個陣時呢有好多動作呢係做唔到既，咁我剩係聽住師傅一句說話，就係話勤力就得架勒!就咁樣，經個一段時間，大概三到四個月到，咁有D動作果然可以做到個喎!所以我更加相信，即係話呢，只要，太極其實人人都可以學到既，只不過係人勤唔勤力咁解啫。 呢個氣功或者太極之後呢，嗯，處事會比較無咁心急，同埋呢，就係睇事方面呢會比較，嗯，冷靜，嗯，無咁無咁緊張! 我覺得呢個係比較多D既體會，我覺會好嘢要介紹俾個女呃嘛要。哈哈可以同個自己既小朋友，或者係囡囡啦，多D既溝通橋樑啦。嗯，因為子女長大之後，有自己既世界呃嘛，通過呢樣野，大家可以多D既交流呀，多D既互相去交流咁樣， so far so good啦!都幫到佢呀。有時佢學習下我啦，有時我學習下佢啦，大家互相提點啦，多D互通既橋樑啦，。嗯，基本上呢，以前呢，即係作為父母呢，係單向呢去教個自己既子女，但係通過呢樣野之後呢，咁呢，就有時會係佢教返我啦。咁，有時係互相交流，咁果個橋樑或者果個隔膜會少咗囉，咁，同埋有個共同既話題，大家都係學員呃嘛，師兄弟，咁變咗呢，大家果個輩份係會平衡一D，對於溝通方面呢，都會係無mug隔膜，好咗好多囉，我覺得。
武當靜坐及混元樁功- 陸國聲180127
【武當靜坐及混元樁功】以前一個流感期我起碼會病幾次，現已一年沒感冒了!靜坐後心境平靜，如剛睡醒般清醒舒服，晚晚可以深睡! - 陸國聲，電訊業，180127 按此進入視頻 詳細文字版 大家好，咁，我個名叫做Edward (陸國聲)啦，咁，我就係從事呢個電訊工作既。 武當靜坐既混元樁功呢，咁，呢個功能夠令到我呢比較安靜啦。同埋我每每呢坐完之後呢，就可以令到個人會好清醒，好似瞓完覺咁清醒，好舒服既我覺得。 係小周天呢個度既體會比較大D，能夠令到個人呢，係會有一個，嗯，如沐春風果個感覺! 學咗氣功之後呢，咁呢，就自己既病痛好明顯係(好)咗既。以前我時時都有好多感冒，好易。譬如，今年感冒咁勁呢，我都未試過!成個感冒cycle (流感期)起碼都病兩三次，即係一次完咗又再第二次架勒。咁，今次呢就，so far 到而家都未，呢一年都未感冒過，咁，呢個都真係非常之，嗯，多謝呀師傅可以教導我呢D咁既氣功(功法)既。
武當太極十三勢，師虛師傅– 陸國聲180127
【武當太極十三勢，師虛師傅】好欣賞師虛師傅的教法!同時教招式，應用，原理，運氣;仔細，親和，照顧到不同程度和年齡的學員，不厭其煩!嚴謹又容易記! – 陸國聲，電訊業，180127 按此進入視頻 詳細文字版 大家好，咁，我個名叫做Edward(陸國聲)啦，咁，我就係從事呢個電訊工作既。 我而家呢就學緊呢個太極十三勢啦。咁呢就，其實相對於我係大約十幾歲既時候都學過太極既，咁呢就同而家跟阿師虛師傅學個太極係有天淵之別既!咁當然，梗係而家呢個勁D啦，呢個。咁有mug野(如何)分別呢?就係佢既教學方法，嗯，嗯，而家比較俗D叫貼地，mug野(如何)貼地呢?即係我地會比較易D去記，佢會每一個招式呀，每一個D手勢呢，係會講佢果個用處(應用)啦。咁嗯，變咗我地相對呢，我地學員呢講呢，就會比較易D去記，同埋會比較易D去掌握。同埋呢，就係話呢，同以前果個(師傅)去比較呢，咁就，嗯，阿(師虛)師傅教得好好呢! 就係，就係佢比較，親和力比較強呀。咁，同埋佢會比較仔，好仔細。咁，有時我地做錯少少呢，佢會比較嚴謹啦，咁變咗我地學既野呢係好正確，咁呢個我係非常之欣賞既!咁仲有樣野呢，就係佢好多時呢，佢會係果個循循善誘呀，咁呀，不厭其煩啦，咁，係學員黎講，變咗有陣時不同年紀，我都睇度樣野，就係記憶力會比較，有唔同既程度既強度啦，咁阿師傅都能夠係因應不同人果個年齡呢，佢既教法就會相對地呢!就會係，嗯，調整，會令到每個同學仔呢，都能夠呢可以學到佢想要學既野，咁呢個就係非常之好既，我覺得。
武當太極十三勢- 關淑玲180127
【武當太極十三勢】腳有力了，減壓身心舒暢，拳氣合一，越練越開心! - 關淑玲，文職，180127 按此進入視頻 詳細文字版 Hello大家好, 我姓關(關淑玲)既, 咁就係Regina啦我個英文名, 咁(文職)。 太極十三勢呢, 啲招式呢, 係好平衡啦, 同埋好全面, 可以鍛鍊到身體, 即係各個部份啦。我學左之後呢,對腳呢就有力左好多,手腳靈活左好多啦。仲有既係我又好享受太極既節奏, 柔和得黎又有力呀,有時係好強,令到個人係好平衡到既, 咁嗯對於個情緒, 嗯, 係好有幫助囉! 咁我每次黎呢到打個半鐘頭太極呢, 我就開心左個半鐘頭! 咁就嗯, 即係將好多壓力都放低左既!學左太極之後,自己豐富左啦, 你得閒無咁多人陪你既時候, 可(能)自己(好難有恆心)去練下，咁嗯, 係覺得嗯, 開心既! 係度學太極係同我係出面學啦係非常之唔同既! 出面就嗯, 即係好似好機械式, 教一啲既動作呀咁, 亦都唔會有啲咩深度。 但係呢一度呢, 師傅會教埋我地運氣啦,去配合啲動作呢(內外三合), 就更加全面啦, 同埋可以真係有益到個身(心)! 咁學左氣功之後呢, 我發覺係, 嗯, 自己係精神左既, 同埋, 仲有, 學埋太極啦咁, 其實, 嗯, 自己既行動呢係會靈活左啦, 同埋依家行樓梯呢, 更加有力左啦, 咁樣, 咁, 啲氣亦都多左咁樣既, 嗯, 嗯, 學左之後, 嗯, 思路係清晰左既, 因為煩惱都少左啦, 咁所以, 個集中力係嗯, 好左既,
師虛太極養生學院- 關淑玲180127
【師虛太極養生學院】教法有深度和趣味，以氣行拳，內外三合!在這兒學太極好享受，開心減壓，氣紛很好! - 關淑玲，文職，180127 按此進入視頻 詳細文字版 Hello大家好, 我姓關(關淑玲)既, Regina啦我個英文名(文職)。 嗯, 我點解黎學太極呢, 係我屋企人有啲病啦, 咁我就要照顧佢啦, 咁都好大壓力既。 都即係兩三年咁樣, 咁發覺呢就壓力好大, 咁所以嗯有朋友介紹我黎學太極既時候呢, 我自己亦都係好有興趣既, 咁所以呢就黎依度學啦。 嗯, 咁黎到依到學呢就覺得好開心既, 因為呢度既氣氛, 打太極既氣氛呢係, 係好有活力既,好享受係呢度學太極既! 咁嗯, 多謝師傅啦! 亦都係循序漸進咁, 嗯, 逐步黎到去教既, 咁我地都有分小組既形式啦,互相地切磋啦提點啦, 咁樣, 咁所以都好享受度學太極既。 係度學太極係同我係出面學啦係非常之唔同既! 出面就嗯, 即係好似好機械式, 教一啲既動作呀咁, 亦都唔會有啲咩深度。 但係呢一度呢, 師傅會教埋我地運氣啦,去配合啲動作呢(內外三合), 就更加全面啦, 同埋可以真係有益到個身(心)! 係, 係呢度, 係呢度學習呢就好多謝師傅啦!我好感覺到師傅好, 嗯, 既知識呀好豐富, 同埋人生經驗都好豐富. 佢呢亦都係好, 好唔吝嗇咁同我地分享既, 嗯, 係好, 好難得可以嗯咁樣黎到教我地, 咁佢態度非常之認真啦。呢度學習既氣氛係相當唔錯既! 咁同學之間呢, 亦都好互相尊重同埋珍惜呀, 大家去彼此交流既同埋同人分享咁樣既, 咁所以係度學我係覺得, 嗯, 好充實啦同埋好有益好幫到自己咁樣. 嗯, 都希望可以多啲人, 嗯,
武當太極十三勢- 談文龍180121
【武當太極十三勢】行拳時以小周天調息，每一動作都充滿精氣神，舒暢無比，上班時精力特別好! - 談文龍，採購主管，180121 按此進入視頻 詳細文字版 咁我依家今日想同你介紹就係我地武當山裡面一個鎮山之寶，係張三豐祖師創造既，叫太極十三勢。呢個功法呢，係除左係手腳都可以郁動之外，佢調合返呢個運氣小周天既調息，佢會大大增加人嗰個嗰個機能既幫助既。因為我年紀大，我開始學果陣時呢，我係會好擔心既，我驚我自己會唔記得，同埋又擔心自己練唔到既。咁經過一段時間學習之後呢，我發現嗰個手腳既靈活，嗰個反應，係相當之好既，再加上，我運氣嗰個配合呢，每一個動作我都感受到有一個氣既存在既，可以帶動度我嗰個動作嗰個柔軟度同埋嗰個暢順度係裡面。動作加小周天氣既配合呢，可以令到我全身呢都好舒服既感覺係裡面，好溫暖舒服，好精神。我打完之後呢，個身全身都流晒汗，但係全身汗唔會覺得累的喎，我會覺得好精神，好舒服，打完之後第二日去返工既話呢，我會更加覺得個人好精神呀，好精力充沛呀，唔會累呀。
道門八段錦- 談文龍180121
【道門八段錦】長時間辦公室工作引起的肩頸腰手腳不適變舒服了!腎強壯了，去廁所及平時表現都不同了! - 談文龍，採購主管，180121 按此進入視頻 詳細文字版 各位大家好呀，我叫談文龍呀。 道門八段錦。呢套功法呢係強健筋骨，同埋運動血氣，有個好大既改善既功法裡面既。係喇，因為我本身呢係成日坐係寫字樓8-10個鐘都不等，對住部電腦，隻手指就係郁，膀頭就係放係張枱度。咁變左長期累月咁樣，我啲關節呀，膀頭呀，頸呀，腰呀，腳呀，我都好硬呀。以前我有去做，間中有去做吓健身果時，都，健身令到我啲手呀腳呀會更加壯，但可能會更加硬，就唔會話好似有好鬆軟既感覺。 咁練左呢套功法之後呢，又完全唔同喇，咁覺得我啲手呀，腳呀，同埋膀頭呀，就算係頸項呀，都有好充足既運動係裡面，因為透過呢個血氣嗰個吐納呢，令到我本身呢筋骨好柔軟呀，好舒服呀。而且有好多動作我以前係做唔到既，有難度既動係，咁我依家都做到。咁所以就話，呢套功法令到我啲筋骨真係好柔軟好舒服，長期練呢，唔會擔心我自己有關節上既問題。 特別係腰腎呀，因為腰佢裡要有一個動作呢，個動作係相當之強既，對嗰個腰呀，膀頭呀，關節呀啲位都相當之好囉。 咁呢，腰嗰個幫助呢，對於我黎講係嗰個腰骨啦，咁奇實對我最大幫助係嗰個腎功能，因為腰同腎係要連帶關係，腎功能對於我黎講呢係好好囉，起碼就話唔需要擔心我有啲咩生理上面的問題出現。因為我年紀都好大家嘛，咁變左有時去厠所呀，或者點樣..我都覺得係同以往係唔同(強)左囉，因為我練左呢套功法之後，除左係手腳要活動之外，最重要既，係透過呢個運氣呀，小周天(功)改善左我地體內裡面五臟嗰個運行，令到得到好好既滋潤同埋更加得到達到養生既功效係裡面。
武當靜坐及混元樁功- 談文龍180121
【武當靜坐及混元樁功】記憶力、肺活量和腿力大增，行數千級樓梯也不再喘氣或累，工作也變得輕鬆了!練小周天功時好舒服好愉悅! - 談文龍，採購主管，180121 按此進入視頻 詳細文字版 大家好呀，我係談文龍呀。 武當靜坐及混元樁功，呢個功法呢係武當呢個小周天嗰個氣功裡面嗰個吐納既心法黎既。咁我都分享我小小嘅體驗啦。 咁呢套功法呢，對我有好大既幫助係裡面，我嗰個筋骨，力度加強左好多之外呢，而且亦都有令到我嗰個肺活量，增加左好多既，令到我嗰啲筋骨呀手腳都好靈活，同埋好強壯。站樁我透過呼吸(運氣)令到我地全身好舒服，好溫養用個小周天去呼吸既話呢，令到我成個人呢好愉悅好開心既。 對我嗰個肺活量係相當之好既。點解呢，同埋因為我第一次去武當山嗰陣時呢，我無練呢個功法，咁我無練呢個功法嗰陣時呢，武當山你知全部都係山上面架啦，咁行左成好多級樓梯既，我相信有幾千級樓梯既，行果時呢，我會覺得好辛苦，隻腳我唔夠力行，行下行下會腳震既。另外呢，就係話，行下又要抖下。我之前都有做健身運動既，咁始終都係年紀大，年紀大左之後呢就唔可以再有呢啲咁刺激既運動，咁變左我行果時呢，肺會好辛苦既。 咁跟住第二年呢，我學左呢套功法之後呢，就去上武當山，我覺得我腳嗰個筋骨呢係好，好強壯呀，好幾千級既樓梯呢，我都唔覺得累，咁再加上呢，我肺活量嗰個呼吸嗰個吐納呢個功法令到我呢好夠氣呀，我完全唔會有喘氣嗰個感覺出現。就算一路續咁樣行，係中間裡面行幾千級樓梯呢我(都)唔會有喘氣既情況出現。咁練左呢套功法，對於我既筋骨嗰個體格呀，同埋嗰個氣呀係相當之好囉，係相當有得益囉。 我以往我記性好好既，但隨著年紀呀，因為多野做呀，成日係寫字樓工作對住啲文件上既野要記好多既資料呀，變左呢，我記憧力呢，練左呢套功法之後呢係提升既。點解我會咁講呢，我頭先都有講啦，站樁最後嗰個動作裡面，站樁呢令到我個人呢好舒服，將腦海裡面嗰啲雜念呀，唔等使既記憶呀，都會慢慢慢慢幫我去好似清晒佢嘅，令到呢就會好集中精神，好有記憶呀咁去專注左我去做既工作，同埋專注左去做我既活動裡面。咁變左我係工作上面呢奇實都依家記憶力會好左好多囉我精神狀況呢係舒援左，我唔會咁緊張，因為我既工作好緊張架，我需要我係做採購個部份添呀，變左貨期呀，嗰個船期呀，我都會執得好緊㗎，咁變左我依家就好舒服囉，好輕鬆囉做得，因為記憶力好在，唔會話成日唔記得野呀，又漏左野呀咁樣既情況出現。呢個功法真係好有幫助既。
武當五臟內養功- 談文龍180805
【武當五臟內養功】竟令我的乙型肝炎消失了, 肝臟回復健康, 不用再擔心肝癌! – 談文龍，採購主管 – 180805 按此進入視頻 詳細文字版 我叫談文龍，我職業係係鐘錶業嘅，咁，係30年前呢，咁我結婚之前呢，咁我就去身體檢查，咁我就，果段時間呢發現到原來我係乙型肝炎帶菌者，咁隨著我自己發現到，開始有呢個乙型肝炎帶菌者之後呢，咁我都有D驚嘅，因為肝炎之後，最後嘅終結，結果係會患cancer啦，OK，咁睇時間長短。咁，跟住勒，咁，隨即開始每一年我都會去檢查，咁每一年檢查呢，咁嘅結果可能對我黎講算好啦，因為無差，又無好，咁即係無惡化啦。咁嗯，一直存在咗好多年架勒，已經。 咁，3年之前，咁，我跟師傅、師虛師傅，學一套功法，呢套功法，就係，嗯，叫做五臟內養功，咁學咗呢套功法，咁我學習果陣時間呢，我發現到我個肝臟呢有唔同嘅反應，呢個反應呢係有，我會有發熱，我會有發脹，同埋我感覺到佢係郁，係會郁動，咁呢種反應呢，令到我全身都有發熱嘅感覺，但係個感覺係好溫暖、亦都好舒服。 咁原來呢套功法呢，呢個功法，呢個肝臟功法係有五層嘅，咁或者我分享多兩個、兩個層次俾你地，第一個層面就係話，我練到去第三層果陣時，係勒，呢個第三層有一個係清洗，咁我睇到，我知道、我睇到自己嘅肝臟裡面黑蚊蚊嘅，咁係清洗嘅過程裡邊，我運用氣清洗啦，咁個肝臟裡邊就開始有發熱，咁我整個人都開始發熱，咁我睇到我嘅肝臟裡邊呢，黑色開始變灰色，灰色之後一路一路變咗淡色，變到呢好似光嘅一樣。 咁我練到最後第五層果陣時勒，咁我情況就更加妙，我發現到我全身都好輕好輕，同埋我周邊個感覺，好似有個光球圍住我一樣，果個光球裡邊係好溫暖，係好舒服，令到我個人好輕好輕，我感覺到自己好似唔係坐係地下一樣，好似升起咗我一樣，我有呢個感覺，咁我持續落去，不斷咁樣鍛鍊啦，好舒服、好舒服。 咁，係偶然一個機會裡邊，咁我太太，嗯，發現到有個，嗯，有個化驗中心係免費化驗，去驗呢個肝臟，咁我就去，去化驗啦，去驗，咁出黎個報告呢，好開心，我亦都唔敢相信，原來我乙型肝炎果度呢，係已經消失咗勒，而且係發現到我有呢個，嗯，果個果個，抗體，係勒，不斷咁樣增長。咁，我都唔信嘅，咁，後尾我再返番去自己個個私家醫生度再驗，都唔知係咪嘅果D免費嘅野，都唔知信唔信好，咁，就再返去自己嘅私家醫生度驗，咁，結果出黎嘅結果都係一樣，都係我無咗呢個乙型肝炎，咁，亦都不斷有抗體增生。咁而家我就唔需要再擔心，因為我已經唔係，唔再受一個乙型肝炎個帶菌者果個煩惱去煩自己。 係勒，咁，原來如果我早D練呢套功法果陣時候，咁我可能果個乙型肝炎帶菌就唔會煩擾咗我咁耐，煩擾咗我咁多年，咁我都好、好多謝師傅。
