博客歸檔文件

湖北省十堰電視台: “第四屆世界傳統武術錦標賽” 之 “對話武術節”

與師兄弟出席湖北省十堰電視台:“第四屆世界傳統武術錦標賽” 之 “對話武術節

放低高薪　港婦武當尋夢

專題: 放低高薪　港婦武當尋夢 少林、武當號稱武林兩大門派，早前《爽報》訪問了一名在少林學武的香港小子，回港後靠搬運風煤樽維生。報道一出，有位港女聯絡本報，替他不值，原來她是武當女俠，一手太極拳打得行雲流水，可惜香港武風不盛，她把心一橫開班授徒，對清貧學生更加分文不收，只求宣揚武學。 記者：陳勝藍 攝影：胡智堅 今年7月麥淑蓮便滿55歲，學武之心始於兒時，「細細個睇李小龍電影，好鍾意，但冇機會學，種子種喺心入面」。小學時期學過兩個月柔道，但開百貨店的爸爸着她多花功夫看舖，乖女只好暫別武學生涯。 其後仕途順暢，通用汽車在大陸設合資企業，員工過萬，副總經理及財務總監正是眼前這人，其後她更於英國上市公司UBM亞洲總部擔任業務發展總監。究竟職場女強人因何變身武林高手？「我做嘢時間比較長，希望搵人生另一個目標。我由細到大鍾意武術，只係以前屋企環境問題冇機會學」。 人到中年　毅然放棄事業家庭 當下請假一個月，跑到少林學外家拳，「我學少林拳、外家拳有限制，你叫我翻滾，我做唔到，撻咗落嚟未必能夠復元。作為興趣可以，但我想達到某個境界，所以要從新考慮學乜嘢，後來轉學太極」。 古代大俠散盡家財，行俠仗義，她也辭去UBM高職，行走江湖，「當時環境做又得，唔做又得，希望追求自己興趣，因為粒種子一直喺我心入面」。真係多得呢粒種子唔少，「首先我要放棄份唔錯嘅工作，第二雖然我冇仔女，但我要放低屋企、所有親戚朋友。首先要學識放低，放低對我嚟講係一個好高嘅門檻，因為要放棄收入、事業，意思係將來唔再用以前嘅專業謀生」。 太極始祖，一說陳家溝陳王廷，一說武當張三丰，她在2009年到河南陳家溝敲門，「我以為武當係金庸小說裏面嘅橋段，我好膚淺，唔識」。每日上課六小時，她課外加操，日練七、八小時視作等閒，「對我咁嘅年紀嚟講……我又ok喎！」 要命的是當地生活習慣，「嗰度生活除咗練武，就係練武，乜嘢都冇，好枯燥」。飲食如何？「一個星期有兩、三日有肉，點樣嘅肉？你要用放大鏡撥草尋蛇，可能搵到幾條；綠色蔬菜好少，因為貴，瓜果比較多，來來去去嗰幾種，基本上冇乜烹調技巧可言，大鑊飯掟晒落去」。 在陳家溝待了一年，才到湖北武當山，拜三丰派第14代掌門鍾雲龍道長為師，道號師虛，「一去到差唔多吵大鑊，佢哋又話唔要我，我又想劈炮即刻走！」原來武當門規極嚴，「師父行前你行後，師父未坐低你唔准坐，唔准駁咀，唔准問點解，但我最鍾意問嘢，十萬個為甚麼嗰種，我一時間接受唔到。你話師父 行前你行後，呢啲小意思，但你唔准我問嘢喎！」猶幸雙方各讓一步，她留下來。 練武方面，男女弟子一視同仁，「唔理（女人）嗰幾日方唔方便，假設你需要自衞，你會唔會話：『我呢幾日唔方便，你過幾日先嚟打劫我啦！』」拳來腳往，難免有肌膚接觸，「唔理㗎喇，照打，雖然佢（師傅）知道我係女人，但練起武上嚟唔計較得咁多，但佢唔會揸你，你估好似周星馳咁咩！」 師虛是否班上最老的一個？「差唔多，但我唔係成績最差嗰個！」她以學武經歷寄語世人，追求夢想第一課，永不怕遲，「你永遠唔好話畀自己聽太遲，40幾歲學武遲唔遲？一般人嚟講肯定遲，但一樣練到出嚟！」第二課，學會放下，「要學識有得必有失，永遠唔會兩者兼得，我唔會有以前嘅事業，又有?家嘅愛好」。 道士可娶妻　地位越高要戒色 不到武當，不知道士可以飲酒，但只限淺酌；更可娶妻，然而地位崇高的道長大多守身養氣，「一般情況下，越高身份越戒色」。那麼妻子怎辦？「好似我師娘唔住學校，我師傅住喺學校，師娘日間嚟幫手，黃昏就要走」。 道士只許自己習武，不跟妻子「練功」，「做得高層次道士嘅老婆好難忍受，第一就係你頭先講嗰樣嘢，第二，佢哋唔會帶家眷出席（公開場合），就算同場出席，道長坐主家席，家眷敬陪末席」。她寄予無限同情：「作為道士老婆，無論生活上或協調上都忍唔到，冇幾耐就走，頂唔順，因為家庭生活少，家庭生活唔止房中事，街上永遠唔會拖手、搭膊頭」。 因此道士離婚率頗高，「如果我係道士老婆，已經忍唔到」。既然如此，道士何必娶妻？「道士都有情慾，有感情，仲有好多仰慕佢哋嘅人」。師虛分享這段，只想向道士的另一半致敬：「德高望重道士嘅老婆，我好尊重佢哋，因為佢哋好忍得，修為一樣好高！」 記者記下這段，只想向師虛的夫婿致敬，他跟道士的妻子處境雷同，一樣偉大，「我已經好幸運，佢忍咗我咁多年，第二個可能走咗，就似道士老婆咁走咗」。她在陳家溝一年，武當山兩年半，丈夫連下十二道金牌召她回港，她嘆道：「其實我去咗武當山唔想返嚟，如果我冇家庭，我唔會返嚟」。 共花40多萬　免費教清貧學生 埋單計數，她在陳家溝及武當山共花了40多萬學費及生活費，「武當山唔算最貴，陳家溝仲貴，港澳台納入外國人收費，短期課程本地人1,000蚊（人民幣），外國人1,000蚊美金！」丈夫可有怨言？「咁啲錢係我㗎嘛！」 她立志在港推廣武術，爭取太極成為中、小學必修科，目前在深水埗街坊福利會小學教幾十名清貧學生打太極，歡迎有志者跟她學武，「清貧朋友我完全唔收費，無論陳式或武當（太極），我都好樂意教，只要佢係清貧」。看來那40多萬回本無期，「賺得返就好，賺唔返都冇所謂」。   取自: 爽報, 2013-05-29, V06專題 http://hk.apple.nextmedia.com/news/art/20130529/18276082

陳家溝太極拳學校: 浙江國際傳統武術比賽獲佳績 – 1109

学员麦淑莲2011年第八届浙江国际传统武术比赛获佳绩 – 1109 我校学员麦淑莲参加2011年第八届浙江国际传统武术比赛暨首届国际东岳太极拳比赛，并在比赛中取得4枚金牌的好成绩。这次比赛由浙江省体育局、浙江省人民对外友好协会举办，浙江省黄龙体育中心、浙江省武术协会等协办，来自国内外340个代表队，4195名武术爱好者切磋了武艺，是我国武术史上规模较大的一次盛会。   获得奖项有：陈式太极拳老架一路第一名，陈氏太极剑第一名。 完文: http://www.tjqxx.com/50/768.htm

武當功夫網訊: 新加坡國際傳統武術節獲得6枚金牌 – 120724

三丰派弟子麦淑莲(师虚)在新加坡国际传统武术节 获得6枚金牌的好成績 – 120724 武当功夫网讯：在本月20日至24日，由新加坡少林国术总会主办的“2012新加坡国际传统武术大赛”在新加坡羽球馆举行。武当三丰派十五代弟子麦淑莲(师虚)在新加坡国际传统武术节获得6枚金牌的好成绩。 完文: http://wdgf.com/html/201207/10749/

HK Magazine 專題訪問 “Kung Fu Stories” (英文節錄)

HK Magazine 專題訪問 “Kung Fu Stories” (英文節錄) Michelle Mak “Shi Xu” is a 15th-generation successor of Wudang Sanfeng kung fu and a 20th-generation successor of Chen-style Tai Chi. She holds national qualifications in practicing and teaching martial arts. ‘‘I am an accountant and I’m always trying to explain kung fu with science and statistics.’’ When I

閱讀更多

武當混元活骨養生功

C4. 武當養生功法 –“武當混元活骨養生功” 3個月(共12課) 由骨骼和關節的問題而衍生的各類病痛是現今困擾人類健康最大問題之一。其中以由九大關節所產生的影響最多，患病者不只是長者，它可影響所有年齡的人。九大關節指: 頸、肩、 肘、腕、胸、腰、臗、膝及踝關節，所涉及的內臟器官和經脈，包括五臟(心、肝、脾、肺和腎)六腑(胃、膽、大腸、小腸、膀胱和三焦)和主要的神經系統，皆為人體最重要的器官，是人類生命的主要動力與精、氣、神所在。本氣功以人體經絡、氣血，精氣神為基礎，結合人體結構和生命關係、中醫學理論，經長時間的研究和實踐。此功針對人體的筋、骨、膜而設計，主要強骨活骼，尤其鍛練其中最重要的九大關節以及有關經絡和奇經八脈來維護身體的強健，效果顯著，為一不可多得的活氣養骨護理兼養生功法。

 

17
Dec

武當玄武拳

B2. 武當兩儀拳 –“武當玄武拳” 4個月(共16課) 此拳屬於兩儀拳，為武當內家拳代表之作。拳曰：“陰陽和合為太極，分開曰倆儀”此拳或快或慢，或剛或柔，陰陽各見所長，故曰“倆儀”。此拳用來練習手，眼，身，法，步，及混元勁（爆發力，反彈力）是，快慢相兼，剛柔相成，有行如龍，坐如虎，閃如電，發如雷的武術特點，趣味盈然，有後發先制的實戰效果，是太極門中的必練長拳。

 

17
Dec

歡迎瀏覽師虛太極養生學院網站

師虛太極養生學院網站於2012年12月正式推出