【武當/陳式太極】打太極不像打其他拳或運動會累或喘氣，還越打越精神!很喜歡師傅的教法，有招式、應用、運氣和拳理! - 洪輝樂，補習老師，180124
詳細文字版
咁我係, 我叫洪輝樂. 咁我係一個補習老師.
我覺得太極同其他運動呢, 係完全唔同既,做其他運動呢,我呢就會覺得好易攰架啦, 例如你跑一陣步呢, 你係因為會唔夠氣啦, 跟住你又攰啦, 跟住你又會覺得好辛苦啦, 跟住你呢就會, 唔想做喇, 下次你覺得唔想唔願做喇, 雖然知道運動好, 不過唔想做因為辛苦。
但我發覺練太極呢, 你係唔會攰既, 你係越練呢, 你係會越精神越有力既, 因為慢慢練啦,慢配合呼吸啦,你會發覺你係嗰氣係越來越多, 而唔係其他運動呢, 你啲氣呢, 係越來越小，咁所以你係會越黎越精神既!朝頭早練完太極呢, 你反而係一個真真正正既開始囉, 你係好有精神咁去準備成日既其既野.
咁另外呢,咁我又,前學過既, 咁嗯, 枱拳道呀, 洪拳呀, 嗯, 南拳呀, 果啲, 但我發覺啲功夫呢, 就太過剛強喇, 就不斷要你運氣令到啲肌肉呢快速咁樣收縮啦, 又係好損自己既筋骨呀, 肌肉呀, 同埋好損自己既氣呀. 但係反而練太極呢, 就唔會既!
咁養生效果呢, 一定係無可置疑既,如果老左可以唔洗人照顧我呀, 唔會有咩老人病呀, 又要入老人院呀, 而唔去厠所食飯都要唔洗靠人地既話,我覺得已經係一個好好好好既得著架喇!
咁我係度呢, 就學左, (也)有學呢個陳式老架一路啦。 咁, 學陳式老架一路我就會明白左一樣野呢, 啲人成日話太極唔打得慢吞吞咁樣, 點打人呢? 咁嗯, 我學左陳式老架就會明喇, 點解呢, 因為陳式老架就係好多發勁既動作既, 平時我地練太極呢就係慢慢打(養生), 令到個氣流呢就不斷咁增強。 係真係要攻擊人果時呢, 我地就會運氣發勁, 咁發果下勁呢, 就可以分分鐘, 如果氣流強呢, 我覺得呢就唔, 一定可以比普通肌肉所發出黎既力度呢係甚至高好多倍, 即係話就算西洋拳可以發幾百磅力呢, 用肌肉既收縮, 我覺得如果個氣場大呢, 用氣去發出既力道呢, 多於亦唔奇既。
依個係我相信既咁另外呢, 陳式呢就係由依個陳皇庭所創啦, 咁陳皇庭就歷史上記載有依個人呢,佢都當時係一個武將, 所以佢既功夫係真係係戰場上用既, 咁佢歸納既太極老架一路二路呢咁我都有學過陳式太極, 咁居然但係有一個就好得意既, 嗯, 好得意既地方就係話, 學院陳式太極黎呢度學張三豐太極十三勢呢, 居然就覺得呢係兩者呢就十分似,
例如我依家差唔多四十幾歳啦, 咁我之前就學外家拳既, 打左幾朝之後, 跟住抖下氣先, ,練左一排, 哎呀啲肌肉痛呀, 又睇跌打呀。咁反而我係度練太極呢, 例如練依一個三豐十三勢呀, 同埋武當28式呢, 咁我係會發覺我打完一套, 跟住我係會, 打完一套十幾分鐘, 我係會 , 呀, 又再, 呀又再打喎, 打完, 呀又再精神啲喎, 我又再打, 咁打打下, 可能, 嘩, 咁快打完, 個零鐘我都唔覺得攰!
即係例如我跑步, 我步兩三分鐘, 嘩, 唔得喇, 抖氣喇, 抖氣喇, 好辛苦呀, 但我打一陣太極既, 唔係喎, 我啲氣好似越來越多喎, 跟住我又想再去打, 跟住我又越來越多。 咁我會覺得呢幾年, 個精神係越來越好既!呢幾年我既精神都會越來越多呀, 越來越好呀, 以致越來越強呀, 咁你, 做任何事如果個精神唔好, 咁會做唔到。
我打老架一路嗰陣時啦, 咁佢有啲發勁動作但係係佢個發勁動作呢, 我地平時練呢, 係會慢慢將啲氣呢, 吸入先, 然後就將全身既氣再打, 配合自己既力呢, 一齊打出黎, 咁雖然呢, 睇落去仲係慢慢地既, 但係係不斷咁樣依個動, 依個過程呢, 你係會覺得自己係唔會損耗自己既氣啦, 係不停係度增強自己既氣感啦, 氣場啦! 而且覺得會打出黎既力道呢, 亦係好大既, 佢個力, 佢出黎個力呢, 就唔係純粹用肌肉發既力黎既, 係用氣帶出黎既力! 當然我, 我諗我依家初階, 就可能未能夠發揮到太極嗰種真係打出黎嗰個勁力囉, 但係相信不斷堅持落去, 一定會不斷進步。
而且我發覺, 我不斷去練,隨住年紀既增加呢, 我不斷個氣場越黎越大, 咁我打出黎既力道可以越黎越大, 借助肌肉既力道發出黎亦越黎越小! 所以我可以去到50歳60歳, 反而可能練出黎既力道越黎越, 比我40歳更加犀利! 但你反觀其他嗰啲拳術, 外家拳呢, 可能佢地最強壯, 係廿靚歳三十歳, 咁你拳手可能再老啲佢地已經唔能夠再依靠佢地肌肉發力呢, 開始就衰老, 開始就打唔出嗰個力架喇已經, 越黎就越差。亦配合以柔制剛, 柔者好似流水咁, 好似草咁反而係一場風暴可以生存, 反而好剛強既樹, 反而係一個風暴度就折左,我都相信以柔制剛呢一套理論。
就其實我之前學, 當然有跟過好多師傅啦, 有啲出名唔出名呀, 又學八段錦呀, 太極呀, 洪拳呀, 詠春呀, 枱拳呀, 咁, 咁跟咁多師傅。 咁點解我最後都跟師虛師傅呢? 因為我覺得佢除左好比心機教, 咁好多時跟其他師傅, 佢可能教你個動作係大約係咁, 佢就算架喇, 佢唔, 佢係唔會知道嗰個標準動作。 咁有啲師傅呢就知道個標準動作喇, 咁佢又唔會知道背後嗰個攻防意識既,咁佢又唔知要配合呼吸既。 咁有啲師傅係咁意知道配合一吸一吸喇,就收就吸, 嗯, 出就呼喇, 但佢又未必知道太極最後嗰種神髓可能要配埋身體裡面既運氣既! 咁我諗師傅係依方面, 佢親身去武當山去學左咁多年, 捨棄自己既專業咁黎教我地, 咁我相信係跟佢學真正可以學到太極武當道家依啲功夫囉。
